Shenjëzimi i kufirit mes Kosovës dhe Malit të Zi sërish është kthyer në temë kryesore në politikën kosovare.
Ndërsa pushteti thotë se marrëveshja do të ratifikohet dhe kjo temë është e mbyllur, partite opozitare paralajmërojnë kundërshtim të fuqishëm si brenda ashtu edhe jashtë Kuvendit.
Lideri i Vetëvendosje-s, Visar Ymeri në një postim bërë në Facook thotë se presidenti Hashim Thaçi po e përdor liberalizimin e vizave për ta kontrabanduar ratifikimin e marrëveshjes për Demarkacionin me Malin e Zi.
“Për të (Thaçin), personalisht më me rëndësi është bërë ratifikimi i marrëveshjes për demarkacion, të cilën vet e ka udhëhequr dhe e ka nënshkruar, dhe kështu për të shpëtuar personalisht nga fakti që i ka falur mbi 8200 hektarë tokë të Kosovës, se sa nëse qytetarët e vendit tonë do të mund të kenë lehtësira udhëtimi në zonën Shengen”, ka shkruar Ymeri. /tesheshi.com/
