Kryetari i Lëvizjes Vetëvendosje, Visar Ymeri në një konferncë për media i ka komentuar rezultatet e zgjedhjeve lokale të publikuara deri më tani nga exit-pollet dhe organizatat joqeveritare.
Ai ka thënë se Shpend Ahmeti prin bindshëm në Prishtinë, dhe deri në momentet e fundit është në garë të fitojë pa balotazh.
Ymeri shtoi se janë në garë për të fituar dhjetë komuna të Kosovës në balotazh.
“Kemi pasur rritje të votave për kryetar të komunave dhe kandidatëve për asamble komunale”, tha Ymeri.
Duke folur rreth Exit Pollit, Glauk Konjufca tha se janë duke pritur numërimin e vendvotimeve për të parë nëse Prishtina do të fitohet pa balotazh dhe të fillojnë negociatat për të formuar shumicën në Kuvendin Komunal të Prishtinës.
“Shumica është me rëndësi, por për dallim nga zgjedhjet e kaluara në asamble komunale kishte dhjetë asamblistë, tash numri është dukshëm më i madh”, tha ai. /tesheshi.com/
