Kreu i lëvizjes Vetëvendosje Visar Ymeri, kërkoi që këtej e tutje kusht për normalizimin e marrëdhënieve me Serbinë të jetë njohja prej saj e Kosovës.
Në një konferencë për shtyp, Ymeri tha se pala kosovare ka vendosur asnjë kush e asnjë parim gjatë procesin të dialogut me Serbinë.
Për këtë, Ymeri iu referua marrëveshje mes Kroacisë dhe Jugosllavisë të para një dekade, për të cilën tha se, rezultatet kanë qenë të ndryshme nga ajo çfarë është duke ndodhur në Kosovë.
“Te marrëveshja e nënshkruar mes Kroacisë dhe Republikës Federale të Jugosllavisë, në pikën e parë thuhej se të dyja palët do ta respektonin njëra-tjetrën si dy palë të barabarta, ndërkohë që te marrëveshja e nënshkruar mes Kosovës dhe Serbisë thuhet se, do të themelohet një Asociacion apo Bashkësi e komunave me shumicë serbe. Në rastin e parë kemi zotimin e të dyja palëve, që do ta njohin njëra-tjetrën, ndërsa në rastin e dytë kemi zotimin e të dyja palëve, që do të njohin një entitet si ‘Zajednica’, e cila do të themelohet brenda territorit të Kosovës, duke e thelluar kështu edhe pabarazinë, edhe asimetrinë mes të dy vendeve”, tha Ymeri. /tesheshi.com/
