Kryetari i VV-së, Visar Ymeri, i ka quajtur shkatërruesit më të mëdhenjtëpronës publike dhe private kryeministrin Isa Mustafa dhe zv. e tij Hashim Thaçi.
Sipas Ymerit, dy liderët e lartcekur janë “hajnat që i kanë dhjetëra dosje në prokurori ku tregohet se si i kanë fituar dhjetëra milionat që i kanë në banka”.
“Këta dy kryebanditë që pasi e plaçkitën Kosovën ia kanë nisur ta shesin atë pjesë-pjesë, sot po akuzojnë opozitën për disa xhama të thyer. Këta vjedhës historikë të zgjedhjeve, që kanë arritur të fitojnë edhe 130% të votave, sot na japin mësime demokracie. Këta, fëmijët e të cilëve i rrahin policët me shuplaka, sot bëjnë sikur shqetësohen nga protestat. Këta kriminelë të korruptuar flasin për rend, këta shkelës të Kushtetutës flasin për shtet, këta servilë të shovinizmit serb flasin për komb”, ka shkruar Ymeri në Faacebook, si kundërpërgjigje e reagimeve të lëshuara nga Qeveria e Kosovës dhe një tjetri nga Thaçi.
“Populli e foli fjalën e parë sot. Po të jenë sadopak të mençur, Isa e Hashimi nuk duhet të presin deri në fjalën e dytë të popullit. Protestat nuk do të ndalen deri sa të largohet Qeveria”, ka deklaruar Ymeri.
/tesheshi.com/
