Kryetari i Lëvizjes Vetëvendosje, Visar Ymeri i ka përcjellë një kërkesë të hapur presidentit Thaçi, ndonëse nuk ia ka përmendur emrin, duke kërkuar që të mos zmbrapset për ushtrinë përkundër kundërshtimeve të ndërkombëtarëve.
Ai ka deklaruar se ushtria duhet bërë por duhet të kujdesemi që marrëdhëniet e partneritetit dhe bashkëpunimin me aleatët të avansohen në një stad të ri edhe për sa i përket arkitekturës së mbrojtjes për Republikën.
“Domosdoja për ushtrinë për mbrojtje, sovranitet e dinjitet duhet shpjeguar mirë dhe nuk duhet të ndalemi në këtë drejtim, por jo të zmbrapsemi”, deklaroi Ymeri në mbledhjen e Këshillit të Përgjithshëm të VV-së.
Kujtojmë se presidenti Thaçi ka shprehur këmbëngulësinë e tij për themelimin e ushtrisë edhe përkundër thirrjes të ndërkombëtarëve të mos bëhet pa votat e serbëve. Thaçi në vazhdimësi shprehet i bindur se do bëhet ushtria dhe do ruhet partneriteti me miqtë ndërkombëtarë. /tesheshi.com/
