Ish-pasuesi i Albin Kurtit në Vetëvendosje për një peridhë, Visar Ymeri, ka shfaqur kritika ndaj ish-liderit të tij tashmë kryeministër, duke thënë se pushteti po jep shenja jo të mira te ai.
Në një intervistë për Ekonomia Online,Ymeri tha në të kundërt, qeverisja e re nuk po jep shenja ndryshimi për mirë.
“Qartazi po i ndryshon, mendoj që disa prej ndryshimeve janë natyrisht edhe të domosdoshme edhe të mira. Pra edhe z Kurti nga pozicioni i kryeministrit, ka filluar ta kuptojë që të qenit person në udhëheqje të qeverisë, nënkupton që duhet të kesh më shumë përgjegjësi edhe në mënyrën se si sillesh dhe mënyrën se çka flet, edhe veçanërisht në atë se çka dhe si vepron.
Mirëpo, konsideroj se ai ndryshimi i shumë proklamuar nga dy partnerët e koalicionit se këtu edhe qeverisin ndryshe, madje me atë slloganin që thoshin se asgjë nuk do të jetë njëjtë, mendoj që ky ka qenë ekzagjerim i madh.
Deri tash unë nuk kam pa një qeverisje kush e di sa ndryshe përveç disa tentativave e veçanërisht kjo e heqjes së taksës, në të cilën mendoj që vendimet kanë rëndësi jetike për Kosovën më shumë po trajtohen si material për marrëdhënie me publikun se sa vendime serioze të një shteti”, tha Ymeri.
Ky i fundit ka një tërheqje nga politika, ndërkohë që një kohë mbajti drejtimin e VV pas dorëheqjes së Kurtit, i cili u rikthye duke i mundësuar vetes dhe marrjen e qeverisjes. /tesheshi.com/
