Kryetari i Lëvizjes Vetëvendosje, Visar Ymeri ka folur rreth situatës brenda për brenda opozitës së bashkuar, me ç’rast ka theksuar se opozita është e bashkuar karshi kundërshtimit të dy marrëveshjeve.
“Natyrisht që ka mospajtime dhe ne kemi menduar që të formojmë një alternativë që do të ishte në të mirë të qytetarëve dhe vendit”, ka thënë Ymeri në emisionin “Debat” në RTK.
Ai ka shtuar se si koncept alternativa është refuzuar gati në tërësi nga AAK-ja dhe se ende nuk e di arsyen e këtij refuzimi. Po ashtu ai ka thënë se Nisma për Kosovën në parim e ka mbështetur këtë koncept.
“Duhet ta kemi parasysh se diskutimet karshi alternativës kanë qenë me dallime të mëdha. Mos realzimi i saj ka qenë një humbje e madhe për Kosovën”, deklaroi Ymeri, i cili bëri të ditur se diskutimet për formimin e kësaj alternative kanë nisur në fillim të muajit mars. /tesheshi.com/
