Një person në Seattle i cili është rikthyer kohët e fundit nga Kina është diagnostikuar me virusin koronar Wuhan (sipas vendit ku u shfaq), tha Benjamin Haynes, një zëdhënës i Qendrës Amerikane për Kontrollin dhe Parandalimin e Sëmundjeve (CDC), raporton Reuters.
Një burrë që kohët e fundit u kthye në Seattle nga Wuhan, është personi i parë amerikan i infektuar me llojin e ri të virusit, sipas Haynes.
Qytetari amerikan nuk tregoi asnjë simptomë kur u kthye në vend të mërkurën e kaluar, kur ekzaminimi i pasagjerëve nga Kina në disa aeroporte amerikane nuk kishte filluar ende, raporton dpa.
Burri është shtruar në spital; është në gjendje të mirë dhe paraqet një rrezik të ulët infeksioni për të tjerët, thanë zyrtarët.
Rasti i parë i virusit, i cili trajtohet si misterioz, u raportua në qytetin kinez Wuhan në fillim të dhjetorit të vitit të kaluar, dhe pacientët janë të lidhur kryesisht me një qëndrim në tregun e shumicës në Huanan Seafood, një treg detar ku ka dhe kafshë të gjalla. Virusi u përhap në Pekin dhe Shanghai. Më shumë se 300 njerëz janë infektuar deri më tani dhe gjashtë kanë vdekur, thanë zyrtarët kinezë.
Epidemia ka ngritur shqetësime, ndër të tjera, në lidhje me afrimin e festave të Vitit të Ri Kinez pasi qindra miliona kinezë udhëtojnë brenda dhe jashtë vendit.
Përveç në SHBA, raste jashtë Kinës janë raportuar në Korenë e Jugut, Tajlandë dhe Japoni.
Simptomat e sëmundjes përfshijnë ethe, kollë dhe vështirësi në frymëmarrje.
Javën e kaluar, CDC filloi shqyrtimin e udhëtarëve nga Kina në tre aeroporte amerikane, dhe këtë javë, kontrollet do të përfshijnë dhe dy aeroporte të tjera. /tesheshi.com/
