Kompania hapësinore Virgin Galactic Holding, në pronësi të miliarderit Richard Branson, tha se kishte marrë miratim nga Rregullatori i Sigurisë Ajrore të SHBA (FAA) për fluturimin njerëzor në hapësirë, pas një fluturimi provë të suksesshëm të kryer muajin e kaluar.
“Miratimi i sotëm nga FAA na jep besim ndërsa përparojmë drejt fluturimit tonë të parë provë me një ekuipazh të plotë këtë verë,” tha Michael Colglazier, CEO i Virgin Galactica.
Virgin realizoi fluturimin e saj të parë hapësinor me njerëz në maj nga porti i saj i ri në New Mexico, ndërsa Space Ship Two me gjashtë pasagjerë u ul i sigurt në pistë me dy pilotët e saj.
Miratimi i Administratës Federale të Aviacionit të SHBA (FAA) vjen në një kohë kritike për Branson, pasi sipërmarrja e tij hapësinore përballet me konkurrencën në formën e kompanisë hapësinore të Jeff Bezos, themeluesit të Amazon. /tesheshi.com/
