Futbollisti brazilian Vinicius Jr, i cili luan për Real Madridin, do të drejtojë një komitet të posaçëm kundër racizmit të FIFA-s të përbërë nga lojtarë që do të propozojnë dënime më të ashpra për sjellje diskriminuese në futboll, njoftoi Gianni Infantino, president i Federatës Ndërkombëtare të Futbollit.
Sulmuesi brazilian Vinicius u abuzua në mënyrë raciale nga tifozët kur Reali luajti kundër Valencias në maj, incidenti i dhjetë i tillë i raportuar tek prokurorët nga La Liga-s këtë sezon, kujton AFP.
Infantino: Kaq mjafton
“Nuk do të ketë më futboll me racizëm. Ndeshjet duhet të ndërpriten menjëherë kur kjo të ndodhë. Mjaft është mjaft”, tha Infantino pas takimit me Vinicius dhe kombëtaren braziliane, e cila luan me Guinenë në Barcelonë të shtunën, si pjesë e një fushate kundër racizmit të drejtuar nga Konfederata Braziliane e Futbollit (CBF).
“Kam kërkuar nga Vinicius të drejtojë një grup lojtarësh që do të vendosin dënime më të ashpra kundër racizmit, të cilat më vonë do të zbatohen nga të gjitha autoritetet e futbollit në botë. Ne duhet të dëgjojmë nga lojtarët dhe çfarë kanë nevojë për të luajtur në një mjedis më të sigurt. Ne jemi shumë seriozë për këtë”, shtoi Infantino. /tesheshi.com/
