Policia e Kosovës ka bastisur pronën e ish-nënkryetarit të Listës Serbe, Milan Radoiçiç, i cili, siç e ka pranuar dhe vetëë, ka qenë koka e asaj çfarë ndodhi në Banjskë të Zveçanit të dielën.
Ministri Svećcla ka publikuar një video me pamje të brendshme të vilës së Radoiççqit në bregun e liqenit të Ujmanit, ndryshe Gazivodes, duke e quajtur atë Pablo Escobar të rajonit.
“Sulmi terrorist me të cilin është përballur policia e Kosovës në fshatin Banjskë do të hetohet në detaje dhe deri në fund. Sipas vendimit të gjykatës, sot policia e Kosovës ka bastisur banesën e Milan Radoiçiçit, vilën e tij në liqenin e Ujmanit”, ka shkruar Sveçla në profilin e tij në Facebook.
“Edhe nga fotot që mund të shihen, duket se nuk bëhet fjalë për ndonjë “luftëtar lirie”, por Pablo Escobar i rajonit. Nën petkun e mbrojtësit të qytetarit, ai dhe bashkëpunëtorët e tij u bënë multimilionerë në kurriz të ligjit, shtetit dhe qytetarëve të tjerë. Prandaj, është e nevojshme të hetohet vendi i krimit gjatë gjithë këtyre viteve në veri të vendit së bashku me të gjithë pasurinë e grupit terrorist”, thekson Sveçla. /tesheshi.com/
