Pas një votimi unanim në Këshillin Bashkiak të Los Angeles-it, prishja e shtëpisë së ikonës së aktores amerikane Marilyn Monroe në Brentwood, një pjesë e re e Los Angeles-it, është shtyrë përkohësisht.
Anëtarja e këshillit Traci Park nxitoi për të shpëtuar rezidencën e fundit të Marilyn Monroe pasi mësoi se pronari, “Glory of the Snow Trust” kërkoi leje për të prishur rezidencën ikonë koloniale spanjolle, raporton LA Times.
“Unë dhe ekipi im hymë menjëherë në veprim, por fatkeqësisht, departamenti i ndërtesave dhe sigurisë dha një leje prishjeje përpara se ne të ndërhynim plotësisht dhe ta zgjidhnim këtë çështje”, tha Park pak para seancës së Kuvendit të Qytetit.
Trashëgimia historike
Këshilltarja e distriktit të 11-të u lye me buzëkuq të kuq dhe stiloi flokët e saj të shkurtër biondë në një stil Marilyn Monroe ndërsa mbante një fjalim plot pasion, duke njoftuar se do të paraqiste një mocion për të filluar shqyrtimin e shtëpisë së aktores amerikane si një monument historik.
“Unë jam këtu me ju sot si kujdestar i distriktit që është shtëpia e rezidencës së fundit të Marilyn Monroe. Sot jam këtu edhe si mbrojtës i historisë dhe trashëgimisë së pasur të qytetit tonë”, tha Park.
Propozimi i paraqitur në Këshillin Bashkiak kërkon veprim të menjëhershëm për të inicuar konsiderimin e shtëpisë si një monument historik dhe kulturor të qytetit.
Më tej u tha se kjo nuk do t’i privonte pronarit të pronës asnjë të drejtë, por u theksua se duhet të vlerësohen vlerat historike dhe kulturore të pronës. /tesheshi.com/
