Sapo morri detyrën si kryeministër i Hungarisë për të tretën herë, Viktor Orban kërkoi menjëherë një forcim të kufijve të vendit të tij, siç tha, për të përballuar fluksin e emigrantëve nga Lindja drejt Europës.
I njohur për armiqësinë e tij ndaj tyre Orban tha se Hungaria ka nevojë për të forcuar kufirin në mënyrë që të përballen dhjetra miliona që shkojnë drejt Evropës Perëndimore.
Për më tepër, duke folur mbi trendin ekonomik, ai i ka bërë sfidë Perëndimit me anë të një citati, duke pretenduar se tashmë trendi i zhvillimit po shkon drejt Lindjes së Europës, aty ku gjendet pra Hungaria, duke lënë të nënkuptuar dhe Rusinë e Putinit, aleat i së cilit është.
“Evropa në vitin 1990 ishte e ardhmja jonë, dhe tani ne jemi e ardhmja e Europës”, tha me pompozitet kryeministri hungarez. /tesheshi.com/
