Çdo vit, dita e parë e tij, pra 1 janari hapet me lajmet mbi viktimat dhe bilancin e “luftës së 31 dhjetorit”, ku fishekzjarre dhe mjete plasëse bëjnë kërdinë duke u përdorur si shfrim frustracionesh.
Në fshatin Sanxhak të Kurbinit, një 16 vjeçar ka ndërruar jetë pasi ka rënë nga tarraca ku po hidhte fishekzjarret.
Policia e Lezhës ka bërë me dije se 16 vjeçari me iniciale K. GJ, banues në Sanxhak – Kurbin kishte hipur në tarracë të shtëpisë për të plasur fishekzjarrë, dhe është gjetur më pas nga familjarët në tarracë , pa shenja jete me një dëmtim në kokë.
Pritet ekspertiza mjeko – ligjore për përcaktimin e llojit të dëmtimit në kokë. Grupi hetimor në vendngjarje, në bashkëpunim me Prokurorinë e Rrethit Gjyqësor Kurbin , po vazhdojnë hetimet për zbardhjen e plotë të rrethanave të ngjarjes.
Ekspertiza mjeko- ligjore e 16- vjeçarit është dërguar drejt Tiranës nga ku pritet një përgjigje e cila të përcaktojë shkakun e vdekjes . Nga hetimet paraprake dyshohet se i riu është goditur nga një plumb qorr ose fishekzjarr, kjo duke ju referuar plagës që ka në kokë
/tesheshi.com/
