Pentagoni tha të hënën se nuk ka informacion për viktimat civile në rajonin Afrin të Sirisë.
“Unë nuk jam i vetëdijshëm për ndonjë incident lidhur me atë që sapo keni specifikuar”, njoftoi zëdhënësi i Pentagonit, Kolonel Rob Manning para gazetarëve të cilët pyetën për akuzat e terroristëve të Forcave të Mbrojtjes Popullore (YPG) të lidhura me PKK-në se operacioni ushtarak i Turqisë atje kishte shkaktuar vdekje civile.
Manning foli në një konferencë për shtyp në Pentagon, ku tha se Uashingtoni vazhdon të punojë me autoritetet turke për të gjetur zgjidhjen më të mirë në rajon.
“Ata (Turqia) janë aleati ynë i NATO-s”, tha Manning kur u pyet nëse Pentagoni është i shqetësuar për konfliktin midis SHBA-së dhe Turqisë në rast se Ankara hyn në Manbij pas operacionit të saj Afrin.
“Pra, ne po ndërmarrim masa të duhura për të siguruar që të mos vijmë deri te ndonjë konflikt dhe ata të kuptojnë se ku ndodhen forcat tona”, shtoi ai.
“Marrëdhënia e vetme zyrtare e koalicionit në Manbij është me Këshillin Ushtarak Manbij, i cili u krijua për të mbrojtur Manbij nga ISIS (Daesh), por për sa i përket aleatit tonë Turqisë, ne jemi në komunikim të ngushtë dhe të vazhdueshëm me ta”.
Turqia nisi në fillim të këtij muaji pperacionin “Dega e Ullirit” për largimin e terroristëve të YPG dhe ISIS nga Afrini. /tesheshi.com/
