Edhe pse u duk se historia prekëse e vajzës që u gjend në mes të Romës, në Itali, mori një rrjedhë të lumtur, duket se asnjë gjë nuk është në drejtimin që duhet të jetë. Bashkimi i saj me të atin suedez nuk po arrihet pasi sjellja e vajzës është tërësisht refuzuese.
“Ajo duket si zombi. Donte të largohej, të shkonte sërish në rrugë dhe të endej. Nuk tha asnjë gjë e madje nuk më la as ta prekja”, – është shprehur i ati.
Vajza e re endacake u pa teksa endej në rrugët e Italisë dhe në qendrën historike të Romës. U vërtetua fillimisht që ajo nuk është Madeleine McCann, vogëlushja që u zhduk në vitin 2007 në Portugali.
Sipas mediave italiane, bëhet fjalë për një vajzë 21-vjeçe nga Suedia me emrin Embla Jauhojärvi. “Ajo është ime bijë dhe vuan nga sindroma Asperger”, – ka thënë i ati për mediat italiane./tesheshi.com/
