Ka vijuar sulmi i opozitës ndaj shefes së OMN për Reformën në Drejtësi, të dërguarës së Brukselit Genoveva Kalavera, nisur fillimisht nga Berisha. Atë e ka pasuar kryetarja e LSI-së Monika Kryemadhi, e cila, si në rastin e ish-ambasadores Romana Vllahutin, është futur në xhepat e diplomates spanjolle të BE-së.
“Calavera merr 26 mijë euro dhe vjen njëherë në 3 muaj këtu. Ajo paguhet si pjesë e ONM-së me një pagë shumë të madhe dhe paguhet te buxheti që është plabnifikuar për t’ia dhënë Shqipërisë”, tha Kryemadhi në Vizion Plus.
Ndodhi kjo ndërsa nga Brukseli u reagua ashpër ndaj këtyre sulmeve që përfshjnë njerëz të tij në Tiranë, ku, duke u lexuar si sulme dhe presione ndaj Reformës në Drejtësi, të cilat vijojnë pandalur prej tre vitesh, u tha se kjo reformë do vijojë deri në fund dhe nuk ndalet. /tesheshi.com/
