Shkalla e miratimit nga publiku për presidentin amerikan, Donald Trump ka rënë dukshëm, tregon një sondazh që fokusohet në perceptimin e amerikanëve për axhendën e politikës së brendshme në ngërç dhe zbehjen e lidershipit në skenën botërore.
Sondazhi nga The Washington Post/ABC News për gjashtë muajt e fundit që e vendos Trump në shkallën më të ulët historike në 70 vjet, vjen ndërsa janë shtuar shumë kundërshtitë në lidhje me ndëhyrjen ruse në zgjedhjet e vitit 2016.
Trump tashmë miratohet nga 36 për qind e publikut, me një rënie prej 6 pikësh nga sondazhi i kryer për 100 ditët e tij në detyrë. Sondazhi nxjerr se 48 për qind besojnë se lidershipi i Amerikës në botë është më i dobët sesa përpara se miliarderi të merrte detyrën, ndërsa mbështetja për planin e republikanëve për të zëvendësuar Obamacare, merr 24 për qind mbështetje krahasuar me 50 për qind të njerëzve që e mbështesin planin e ish-presidentit për kujdes shëndetësor të përballueshëm për të gjithë. /tesheshi.com/
