Një fëmijë 5-vjeçar është në mesin e 30 Rohingya-ve të cilët janë arrestuar në Mianmar pas përpjekjeve për të dalë nga qyteti Jangon.
21 të rritur u burgosën me dy vjet bazuar të një ligj që ndalon përdorimin e kartave të rrene të identitetit, ndërsa atyre u ishte mohuar të marrin avokat, tha Human Rights Watch.
Tetë nga fëmijët janë dërguar në një “shkollë trajnimi” në rajonin Jangon ndërsa autoritetet thonë se “ende nuk kanë vendosur se çfarë do të bëjnë me 5-vjeçarin”.
“Këta 30 burra, gra dhe fëmijë janë duke u ndëshkuar pasi provuan arratisjen nga brutaliteti i përditshëm”, thotë Brad Adams, drejtor i Human Rights Watch.
Komuniteti Rohingya, të cilët janë kryesisht myslimanë, shumë shpesh përfundojnë nën pranga kur përpiqen të ikin nga rajoni Rakhine, ku banorët janë izoluar në kampe nga pamundësia për të emigruar.
Rreth 600,000 rohingya mbeten në shtetin Rakhine pasi vrasjet masive të drejtuara nga ushtria, zjarrvëniet dhe përdhunimet çuan më shumë se gjysmën e popullsisë së tyre përtej kufirit në Bangladesh në fund të vitit 2017.
Hetuesit e Kombeve të Bashkuara kanë bërë thirrje që gjeneralët kryesorë të Mianmarit të ndiqen penalisht për gjenocid. Ushtria, e mbështetur nga qeveria e fitueses së Nobelit të Paqes, Aung San Suu Kyi, thotë se sulmet janë operacione të ligjshme kundër rebelimit të armatosur që ajo e quan “terrorist”. /tesheshi.com/
