Kryeqyteti belg gjendet prej dy ditësh nën kontrollin e forcave të sigurisë, që kanë pushtuar rrugët pas kërcënimeve serioze për sulme terroriste.
Forcat e sigurisë kanë kryer një operacion të gjerë në mbrëmjen e ditës së shkuar, duke arrestuar 16 persona, si të dyshuar për lidhje me sulmet në Paris. Megjithatë, më i kërkuari, Salah Abdesalam, që mendohet të ketë qenë i përfshirë në ato sulme e se fshihet në Bruksel, nuk u arrit të arrestohej.
Gjatë operacionit u kryen 19 bastisje, e pati tre shtëpi të kontrolluara në jug të kryeqytetit, në Charleroi, por nuk u gjetën as armë, e as lëndë shpërthyese.
Policia u kërkoi qytetarëve gjatë operacionit që të mos i raportonin lëvizjet e tyre në mediat sociale. Banorëve në qendër të Brukselit iu bë thirrje të qëndrojnë larg dritareve, e klientëve në hotele të qëndrojnë brenda. Shumë rrugë u rrethuan, ndërsa helikopterë patrullonin në ajër.
Niveli më i lartë i alarmit do të jetë dhe të hënën, siç lajmëroi kryeministri i vendit, dhe çerdhet e kopshtet, shkollat e universitetet do të vijojnë të mbeten të mbyllura në Bruksel. /tesheshi.com/
