Policia Rrugore në Shqipëri vijon një fushatë të ashpër ndëshkimore për të të gjithë shkelësit e rregullave gjatë drejtimit të automjeteve.
Dhe fundjavat janë ato ku regjistrohen shkeljet më të mëdha, e rrjedhimisht ndëshkimet më të shumta.
Pesë persona kanë rënë në pranga orët e fundit, ku katër prej tyre kanë rezultuar të dehur, ndërsa vetëm njëri është arrestuar për kundërshtim të policisë.
Po ashtu, janë pezulluar 34 leje drejtimi, ku nga këto 15 leje për shpejtësi tej normave të lejuara në qytet dhe 19 për drejtim mjeti nën ndikimin e alkoolit.
Masat e tjera kanë qenë për rrip sigurimi, shkelje semafori dhe përdorim të celularit.
Por siç vihet re në çdo statistikë të përcjellë nga policia, të dehurit në timon zënë vendin e parë për ndëshkime.
Kjo i përgjigjet dhe treguesit tjetër, ku në rastet e aksidenteve, shkaqet më të shumta vijnë prej drejtuesve që janë nën efekt alkoli. /tesheshi.com/
