Ashtu siç kishte paralajmëruar, ish-kryeministri maqedonas Nikolla Gruevski ka dhënë dorëheqjen nga drejtimi i VMRO-së, parti në emër të së cilës qeverisi për afro 10 vite.
Shkak për këtë dorëheqje u bë rezultati i zgjedhjeve të fundit lokale, ku VMRO-ja arriti të fitojë vetëm 5 nga 80 komuna, rezultati më i dobët i saj si forcë politike në 27 vite. Emrat më të përfolur për t’a zëvëndësuar janë: Ilija Dimovski, Antonio Milloshoski, Nikolla Poposki, Nikolla Dimitrov, por Lubço Georgievski, ish-kreu i kësaj partie i zëvëndësuar nga Gruevski në 2003.
Pas vitesh fuqi e pushtet, deri në pikën që konsiderohej i parrëzueshëm, Gruevski shënon aktin e rrëzimit përfundimtar me vetëlargimin nga partia, ndërkohë që është nën kërcënimin e katër procese për të cilat hetohet. /tesheshi.com/
