Me thirrje dhe shënime të pankartave “Boll mo”, “Mos filozofo, dil në protestë”,“Duam ajër të pastër”, “Tetova po mbytet”, “Njësia e gjashtë sa vota nga Jugohromi?”, edhe sot pas namazit të xhumasë, qytetarët e Tetovës kanë dalë në protestë kundër ndotjes së ajrit.
Ashtu edhe siç është paralajmëruar, protesta e sotme duket se do të jetë më masive.
Protestuesit nuk rreshtin duke bërë thirrje ndaj pushtetarëve që ta zgjidhin çështjen e ajrit, sepse, sipas tyre, ata janë fajtorët kryesorë për këtë gjendje.
Akuzat më së shumti i drejtohen ministrit të Mjedisit Jetësor, Nurhan Izairidhe kryetares së Komunës së Tetovës, Teuta Arifi.
Si dje edhe sot, protestën në fjalë gjithashtu po e përkrahin edhe partitë opozitare shqiptare, LRPDSH, RDK, BESA dhe shoqata të ndryshme joqeveritare.
Dje, me një letër të hapur, organizatorët e protestës kanë bërë thirrje që protesta të jetë paqësore dhe dinjitoze./tesheshi.com/
