Ngjarja e njohur si “Vidovdan” e cila shënon fitoren e së ashtuquajturës “Beteja e Gazimestanit” do të festohet nga serbët por edhe ministrat e Serbisë që kanë siguruar leje për të hyrë në territorin e Kosovës.
Drejtori i Zyrës për Kosovë në Qeverinë e Serbisë, Marko Gjuriq dhe ministri serb i Arsimit, Mladen Sarceviq të premten pritet të vizitojnë Kosovën. Kjo pasi Gjuriqit dhe Sarceviqit iu është aprovuar kërkesa nga ministria e Punëve të Jashtme të Kosovës. Lajmi është konfirmuar nga burimet brenda Ministrisë së Punëve të Jashtme të Kosovës.
“Kanë qenë kërkesa standarde dhe të zakonshme. I kemi aprovuar të dyja dhe janë proceduar sipas rregullave dhe sipas marrëveshjes”, thuhej në përgjigjen dhënë mediave. Kujtojmë se në marsin e vitit të kaluar në territorin e Kosovës është arrestuar Ministri Gjuriq, i cili hyri në Kosovë nga pjesa veriore e vendit. Gjuriq u arrestua dhe hyrja e tij e paligjshme u bë mjaft mediatike.
Festa e Vidovdanit e cila festohet nga qytetarët serb më 28 qershor. Me këtë datë shumë qytetarë nga Serbia vijnë në veri të Kosovës dhe në Gazimestan, vendi ku u zhvilluar fushë beteja mes Perandorisë Osmane dhe Principatave ballkanike.
Në ditët e sotme ka studime të shumta që janë bërë në lidhje me Betejën e Gazimestanit. Krahas kësaj ende nuk ka informata të sakta në lidhje me pjesëmarrësit në këtë luftë, numrin e trupave turke e serbe, zhvillimin e luftës, pikëkthesat kryesore të luftës, dëmet që pësuan palët pjesëmarrëse dhe detaje tjera. Në përgjithësi historianët turq dhe serb në artikujt e tyre të shkruara mbi Betejën e Parë të Fushë-Kosovës kanë tendenca për të shkruar fjalitë të mbushura me lëvdata ndaj popujve të tyre. /tesheshi.com/
