A mund ta imagjinoni ndonjëherë se një person i vetëm mund të ketë aftësinë dhe talentin të luajë 90 instrumente muzikore? Edhe pse duket si diçka e paimagjinueshme, po ju themi se është tërësisht e vërtetë dhe e mundur. Kohët e fundit është duke qarkulluar në internet një video, ku një i ri luan në 90 instrumente në ambientet e një muzeu.
Joe Penna, kompozitor i këngëve të tij është ftuar të performojë në Muzeun e Instrumenteve Muzikore, në një sallë ku ndodheshin rreth 6000 instrumente muzikore, pjesë e koleksionit të muzeut.
Në video, Penna luan një pjesë nga ‘Misirlou’, një këngë folklorike mesdhetare, që ndërthur ritme greke, turke dhe egjiptiane.
Ai luan gjithsej 90 instrumente, përfshirë këtu edhe violinë, harpë peruviane, dhe bri baritone.
Penna tha se sfida e tij më e madhe ishte të nxirrte një tingull të ëmbël edhe nga disa instrumente që kanë një akordim të veçantë si flauti japonez. Videoja ka rritur deri tani 300,000 klikime./tesheshi.com/
