Një propozim për martesë që pa as më të voglin dyshim mund të cilësohet si më i veçanti ndër të tëra ato propozime që na ka rënë rasti të shikojmë apo të lexojmë deri më tani. I riu amerikan nga Cincinnati, Austin Piech, për t’i kërkuar të dashurës së tij Lauren Woodrick që të martohej me të, krijoi një lojë elektronike të ngjashme me stilin e “Super Mario Bros”.
Piech i kërkoi Woodrick që të testonte këtë lojë,. Ka punuar më shumë se 100 orë për të krijuar lojën 25 minutëshe interaktive, e cila të çon në fund tek një pyetje, e cila pret përgjigjen e jetës së tij.
Një rrugëtim me pengesa, ku çdo nivel i përgjigjej një momenti specifik (të rëndësishëm) të lidhjes së tyre. Hera e parë që u panë (në një festival në Cincinnati), takimi i parë (në një piceri pranë shtëpisë), udhëtimi i parë i organizuar bashkë (në Indiana, vendlindja e bashkëshortes së tij të ardhshme).
Dhe më në fund arrihet në një ekran të zi ku shkruhet nj fjali “Është e rrezikshme të vazhdosh përpara vetëm, merr këtë”, ndërsa unazën ia tregon live. E përgjigja nuk mund të ishte ndryshe veçse një “po” e madhe./tesheshi.com/
