Ka nga ata që veprojnë në fshehtësi, por ka edhe të tjerë që preferojnë të ndajnë mendimet e tyre më intime në rrjetet sociale. Kështu ka vepruar Robbie Williams, ish anëtari i grupit Take That dhe yll i botës së muzikës, për t’i dhënë lamtumirën qenit të tij të dashur Spencer, i cili e ka shoqëruar në shumë aventura.
Në videon e postuar në kanalin e këngëtarit anglez, Robbie ka përdorur regjistrimet live të coverit të ‘My Way” të Frenk Sinatrës si kolonë zanore. Ndërkohë që imazhet shfaqin qenushin në maksimumin e shkëlqimit të tij, kohë kur shoqëronte pronarin në prapaskenat e koncerteve dhe përkëdhelej nga fansat.
Robbie ka shkruar edhe një mesazh në Twitter: “Lajme të këqija. Jemi të shokuar dhe me zemrën e copëtuar. E duam kaq shumë Spencerin dhe na mungon me të vërtetë shumë”./tesheshi.com/
