Mezi një centimetër rërë është e dukshme në plazhet e mbipopulluara të Aleksandrisë, Egjipt – në fakt, destinacioni popullor humbi deri në 82% të vijës së tij bregdetare publike, pasi gjithnjë e më shumë prona të nivelit të lartë “rezervuan” plazhe për turistët e tyre që janë të gatshëm për të paguar një shumë të majme për të shijuar diellin dhe detin.
Dhe pasi temperaturat e ditës përgjatë bregdetit verior të Egjiptit rrallë kanë rënë nën 34°C për javë të tëra – dhe nuk ka shenja se vala e të nxehtit do të lehtësohet së shpejti – banorët janë të dëshpëruar për t’i shpëtuar vapës së madhe. Dhe duke qenë se ka (edhe) dukshëm më pak vende për ta në plazhet publike, ata janë të detyruar të shtrydhen si sardelet.
Së fundmi, Administrata Qendrore për Turizmin dhe Vendpushimet në Aleksandri njoftoi mbylljen e të paktën pesë plazheve pikërisht për shkak të zënies së tyre. Një normë prej 100% u regjistrua në plazhet Bahri Al-Mumayaz, Mandara, Beau Rivage, Iskandar dhe Al-Silsilah. Vizitorët drejtohen në plazhe, kapaciteti i të cilave ende lejon një numër më të madh njerëzish.
Administrata njoftoi edhe aktivizimin e rezervimeve elektronike për plazhet – notarët do të mund të sigurojnë në kohë vend në rreshtat e parë buzë detit, por me kusht që të mbërrijnë në plazh para orës dhjetë. /tesheshi.com/
