Në një tjetër mënyrë, presidenti francez Emmanuel Macron tentoi të promovojë samitin e Inteligjencës Artificiale që po mbahet në Paris.
Presidenti francez ka postuar një video “deepfake” ku vetë ai është protagonist, duke komentuar në mbishkrimin “bravo” për rezultatin.
Në një nga pamjet në video, Macron shihet duke kërcyer me ritmin e hitit të viteve 80 në Francë, “Voyage Voyage”, nga Desireless.
Në një pamje tjetër, Macron “merr pjesë” në një komedi spiune për një spiun të luajtur nga Jean Dujardin.
Presidenti francez shihet gjithashtu duke kënduar rap, duke kujtuar këngëtarin francez Nekfeu.
Bien joué… pic.twitter.com/zthA2zIBja
— Emmanuel Macron (@EmmanuelMacron) February 9, 2025
“Është një video e punuar mirë, më bëri të qesh. Megjithatë, seriozisht, me inteligjencën artificiale ne mund të bëjmë disa gjëra mjaft të mëdha: të përmirësojmë shëndetin publik, prodhimin e energjisë, jetën e shoqërisë sonë. Franca dhe Evropa duhet të jenë në zemër të këtij revolucioni, të shfrytëzojnë çdo mundësi dhe të promovojnë parimet tona”, dëgjohet të thotë Macron.
Videoja përfundon me një nga “imitimet” më të famshme të Macron që shfaqet si MacGyver me presidentin francez duke thënë “ky definitivisht nuk jam unë”. /tesheshi.com/
