Blogari italian Lambrenedetto, gjatë një vizite në Shqipëri, me sa duket, ka ngelur i mahnitur nga ato çfarë ka parë dhe ka arritur të promovojë në sajtin e tij atë që ka quajtur ‘vendi i shqiponjave’.
Ai ka vizituar Tiranën e Durrësin, ku paraqet një realitet krejt i ndryshëm nga ai që italianët kanë imagjinuar deri më tani. Ai flet për qytete të pastra dhe për gjithçka në rregull. Vendi është i ndriçuar edhe gjatë natës, me llamba që zbardhin rrugët dhe sheshet, por ajo që duket në videon, nuk është vetëm qyteti i madh.
Lambrenedetto u mundëson përmes kësaj videoje vizitimin e zonave në periferi dhe ajo që shfaqet nuk janë zona tërësisht të errëta, por me infrastrukturë e ndriçim, siç ndodh edhe në Itali.
Dallohen ndërtesa të reja, rrugë të asfaltuara, lagje të rregulluara, çka mund të bëjë edhe italianët të na kenë zili. “A nuk ishte ky vendi i botës së tretë? Çfarë thoni”,- shprehet italiani në videon e tij. Ja se çfarë promovon ai… /tesheshi.com/
