Kur vjen puna për të peshkuar, në brigjet e Australisë mund të ndesheni me specie nga më të ndryshmet e më të veçantat, përfshirë edhe balena të mëdha apo luanë deti.
Kjo u ka ndodhur një grup të rinjsh, të cilët në ujërat e Sidneyt janë hasur me një balenë. Ekzemplari është afruar tek barka duke u kërkuar ndihmë atyre, për shkak të një qese plastike, shumë të bezdisshme, e cila kishte përfunduar në gojën e gjitarit.
Balena nuk është trembur nga njerëzit por u ka besuar atyre dhe është afruar tek varka, duke kapur një pjesë të skafi. Sapo kanë kuptuar problemin e saj, të rinjtë janë munduar të largojnë qesen bezdisëse nga goja e saj, duke bërë edhe një fotografi me të.
Përpara se të largohej, balena gjigante ka falënderuar njerëzit duke përplasur disa herë bishtin në ujë. “Ishte si e pavërtetë, nuk po u besonim syve”,- thanë të rinjtë e moshës 17-vjeçare, duke postuar këtë video në rrjetet sociale./tesheshi.com/
