Jurgen Klopp përgatiti një surprizë të këndshme për tre tifozë të Reds, të cilët janë në izolim për shkak të koronavirusit.
Liverpool nisi një iniciativë në mars që synon të ndihmojë njerëzit të qëndrojnë të izoluar gjatë pandemisë, dhe Klopp legjendari, me entuziazëm pranoi ftesën për të marrë pjesë.
Ai kontaktoi tifozët përmes platformës Zoom dhe i bëri ditët e tyre të vështira të paktën pak më të lehta.
Kampioni evropian ka publikuar një video në të cilën Klopp i shfaqet Darren Smyth, i cili iu nënshtrua një operacioni në tru janarin e kaluar dhe aktualisht është në izolim, sepse ai është gjithashtu në pritje të operacionit të mushkërive.
Smyth nuk mund ta besonte kur pa Klopp në ekran i cili e ftoi atë për një birrë në Anfield kur të rimëkëmbet.
Tifozi i Liverpool kujtoi se hera e fundit që ishte në Anfield i përkiste dhjetor të vitit 2018 në një derbi kundër Everton, kur Reds festuan 1-0 me një gol të Origit në minutat shtesë.
“Kur Origi shënoi, fatmirësisht rashë vetëm tre-katër rreshta më poshtë,” tha Smyth, dhe Klopp shtoi, “… Dhe unë përfundova në krahët e portierit Alisson. Ne ishim në vende pak më ndryshe, por u ndjemë plotësisht njësoj”.
“Ky është futbolli, që ne mund t’i ndajmë ato momente dhe kurrë mos t’i harrojmë”, tha ai.
Klopp gjithashtu kontaktoi Noah Smallwood, një djalë që vuante nga një sëmundje e rrallë, e cila shkakton një kolaps në të folur. Klopp e ftoi atë në kampin stërvitor pas operacionit.
“Pas operacionit, ju do të vini në kampin tonë për të luajtur futboll dhe për të takuar djemtë,” tha trajneri gjerman. /tesheshi.com/
