Aleanca ushtareake e Atlantikut të Veriut, NATO ka uruar Vitin e Ri, duke e dhënë mesazhin pjesë – pjesë, në gjuhët e të gjitha shteteve anëtare.
E veçanta e këtij urimi është se ai fillon në gjuhën shqipe. NATO duket se ka zgjedhur që kjo të bëhet në bazë të rendit alfabetik, dhe duke ditur se Shqipëria (Albania), si anëtare e kësaj aleance, është shtet me shkronjën e parë të alfabetit, atëherë urimi i NATO-s ka nisur në shqip.
Në këtë urim për Vitin e Ri, të aleancës me 29 vende anëtare, tregohet për përkushtimin e kësaj aleance ushtarako-politike, për të ruajtur paqen në botë, e veçanërisht në shtetet anëtare.
/tesheshi.com/
