Kjo është një video prekëse e bërë nga kolegët e një polici të vdekur në mënyrë tragjike, duke suprizuar birin e tij në ditën e parë të shkollës, ngjarje kjo e ndodhur në SHBA.
Babai, Xhastin Sherlen vdiq dy javë më parë pas një aksidenti trafiku gjatë orarit të punës në Amarillo, Texas.
Dhe, përv të mos e lënë njërin prej fëmijëve të tij të shkojë në ditën e parë të shkollës pa një përshëndetje, siç e do zakoni, disa kolegë të të ndjerit Scherlen u shfaqën për ta përshëndetur vogëlushin.
Një video shumë e ëmbël tregon Xheksonin 4-vjeçar duke përqafuar miqtë e Xhastinit dhe kolegët e tij të punës.
E lëshuar nga Drejtoria e Arsimit në Amarillo, video tregon momentet kur zyrtarët përqafojnë vogëlushin para se të fillojë ora e mësimit.
Vogëlushi shihet duke i dhënë secilit nga një përqafim përgjatë një korridori, që është ai i shkollës së tij.
Më vonë, shkolla përmes Twitter-it shkruan se zyrtarët policorë ishin “një armatë e shkëlqyer zëvendësish të të atit këtë ditë”.
Zyrtari Daniel Smith tha: “Do të kisha dhënë çdo gjë vetëm ta shihja Xhastinin këtu me të birin e tij”.
“Të paktën jemi këtu për të, dhe t’i bëjmë me dije Xheksonit se gjithmonë do të mund të na llogarisë edhe ne, nëse ka nevojë”.
E ëma, Xhessika tha: “Mendoj se babai i Xheksonit do të ishte krenar me vëllezërit dhe motrat e tij që u shfaqën këtu në mbështetje të fëmijëve të tij”. /tesheshi.com/
https://youtu.be/2CoFHiVkShA
![Një ushtar izraelit qëndron me kompleksin e Xhamisë Al-Aksa në sfond [Dosje: Maya Alleruzzo/AP Photo]](https://tesheshi.com/wp-content/uploads/2024/12/Kolonet-izraelite-shkelin-status-quo-ne-ne-kompleksin-e-xhamise-Al-Aksa-350x250.webp)
