VIDEO/ Për t’u marrë shembull: Kryebashkiaku pastron rrugët e qytetit në 4 të mëngjesit

Kryetari i Bashkisë së Zagrebit, Milan Bandiç, ditën e martë në mëngjes ka vendosur që punëtorëve të kompanisë kroate të pastrimit t’iu tregojë se si lahen rrugët, raporton televizioni shtetëror kroat HRT.
Bandiç i kishte mbledhur punonjësit në orën 4:20 të mëngjesit në sheshin e Zagrebit “Bane Jelaçiq”.
Me zorrë të ujit në dorë, ai ka porositur se “qyteti që shënon një rritje dyshifrore të turistëve” e meriton të jetë edhe më i pastër.
Në pyetjen e gazetarëve nëse është fjala për fushatën e tij parazgjedhore, Bandiç vetëm ka thënë shkurt se fushata e tij zgjat 365 ditë në vit./tesheshi.com/