Ministria britanike e Mbrojtjes ka publikuar një video ku ndër të tjera shfaqet një hartë me grafikun e forcave ushtarake të Federatës Ruse, ku shihet një plan i mundshëm i Kremlinit për pushtimin e Ukrainës.
“Ne nuk kemi parë prova që trupat ruse po tërhiqen nga zonat kufitare të Ukrainës,” tha Ministria Britanike e Mbrojtjes në një video të postuar në llogarinë e saj zyrtare në Twitter.
INTELLIGENCE UPDATE: We have seen no evidence that Russian forces are withdrawing from Ukrainian border regions.
Russia retains a significant military presence that can conduct an invasion without further warning. pic.twitter.com/qTYrItLxCf
— Ministry of Defence 🇬🇧 (@DefenceHQ) February 17, 2022
Në video vlerësohej se Rusia ruan një prani të konsiderueshme ushtarake, me të cilën, siç pretendohet, mund të kryejë pushtimin pa paralajmërim të mëtejshëm.
Në pyetjen “Pse Presidenti (Vladimir) Putin dëshiron luftë?”, tha se kreu i shtetit rus e sheh Ukrainën si një zonë të ndarjes nga NATO dhe se ai mendon se vendi është një pjesë kulturore dhe historike e Rusisë.
“Kjo (bindje) nuk e pranon Ukrainën si shtet të pavarur”, thuhet në video.
Putin, shtoi ai, është gjithashtu i pakënaqur me aspiratat e Ukrainës për t’u bashkuar me NATO-n dhe dëshiron ta kthejë atë nën kontrollin rus.
Më tej thuhet se Rusia ka vendosur një “numër të madh” ushtarësh përgjatë kufirit me Ukrainën dhe burimet e inteligjencës britanike pohojnë se Rusia vazhdon të rrisë “me shpejtësi” fuqinë e saj ushtarake.
Videoja shton se burimet e inteligjencës britanike tregojnë për “aktivitet jonormal të marinës ruse”, nga stërvitjet në Atlantikun e Veriut, Detin Baltik dhe Mesdhe.
Në video, Ministria e Mbrojtjes paraqet analizën se kufiri verior ukrainas është në qendër në raport me pozicionet e forcave ushtarake ruse, gjë që përbën “kërcënim të drejtpërdrejtë për kryeqytetin Kiev”.
Pushtimi, siç u konstatua, mund të fillojë brenda pak ditësh, dhe grafiku tregon lëvizjen e mundshme të forcave ushtarake ruse.
Në fund të videos, konstatohet se nëse Putini zgjedh luftën, “një numër i konsiderueshëm” njerëzish do të vdesin “për të marrë atë që ai do”.
“Por Presidenti Putin ende mund të zgjedhë paqen. Ai mund të zgjedhë diplomacinë dhe të zbusë tensionet. Ai mund të zgjedhë parandalimin e konfliktit”, tha Ministria Britanike e Mbrojtjes. /tesheshi.com/
