Duke ofruar shembullin e tij të vetëkarantinimit në kushte shtëpie, ndonëse me shëndet të pacenuar, kryeministri Rama u shpreh i vendosur që t’i vijojë masat drastike, siç këto të këtyre tre ditëve të fundjavës, ku pothuajse jeta është paralizuar plotësisht në vend.
Shefi i qeverisë shqiptare tha se nuk do pyeste fare për sharjet që mund t’i vijnë ngamos, i bindur se kjo është forma e duhur për t’i bërë ballë infeksionet.
Ai përcolli ne një mesazh video të tjera paralajmërime për ata që dalin me makina në rrugë duke thyer masat e vëna, ndërkohë që iu lut shqiptarëve për durim, durim, durim.
“Nëse nuk duam të bëhemi bashkëfajtor në lëndimin apo humbjen e të afërmve tanë, të luftojmë zakonet e jetës normale. Duke u armatosur deri në dhëmbë me durim, duke gjendur mundësinë për të qëndruar në shtëpi pranë familjes. Sot numri i të prekurve ka ardhur në 33, dhe duhet të dimë që do të vazhdojë të ketë të prekur. Kurbën nuk kemi në dorë ta ndalim, por vetëm ta ngadalësojmë”, tha Rama. /tesheshi.com/
https://www.facebook.com/edirama.al/videos/237363444104753/?t=0
