Me anë të një video-mesazhi nga zyra e tij, kryeministri Rama paralajmëroi porcionin nr.3 të lirisë në kuadër të relaksimit të ekonomisë dhe shoqërisë nga kriza koronare.
“Nga e hëna 4 Maj do të lehtësojmë lëvizjen brenda qyteteve me këmbë e makinë. Jo vetëm makinat që duan të shkojnë në punë.
Do të hapim edhe bllokun e tretë të bizneseve. Prandaj edhe pak durim. Hapja do të garantohet me rregull, bizneset do ta mbajnë këtë vërtetim në ‘e Albania’.
Në fund të ditës këto leje e autorizim duhen për të garantuar shëndetin e gjithsecilit”, tha shefi i qeverisë.
“Imponimi i rregullave duhet të vazhdojë se ndryshe humbet çdo vlerë. E di që ju kanë lodhur lejet e kufizimet por kjo është edhe një dhimbje koke edhe për mua. Javën e ardhshme do të rrisim orarin në Pazar dhe do të hapim shërbimin taksi. Nga një qytet në tjetrin”, arsyetoi i pari i qeverisë. /tesheshi.com/
Mesazhi i plotë:
https://www.facebook.com/edirama.al/videos/242825753589226/?t=2
