Në fshatin Lez të Prizrenit, jeton vetëm një çift i moshuar në një shtëpi tejet të vjetër dhe pa kushtet elementare për jetesë.
Çifti Bahtjar e Gjylnaze Berisha janë të vetmit që qëndruan në fshat nga 200 banorët sa kishte ky vend në vitin 2000.
Kryefamiljarja Gjylnaze thotë se janë të izoluar në këtë vend, pasi nuk kanë kurrfarë mjeti të komunikimit, ndërsa kanë mbetur edhe pa të vetmen mundësi të lëvizjes, që e kishin deri tash: kali që u ka ngordhur!
“Qikë nuk kam, djalë nuk kam. Unë nuk kam kërkënd.Vetëm unë me plakin jetojmë në këtë vend”, thotë Gjylnazja, për Klan Kosova.
Në pamundësi për të shkuar në Prizren, afro 15 kilometra larg, ajo thotë se ushqimin e vetëm që e kanë janë të mirat që i marrin nga bagëtia.
Vlen të theksohet se ky fshat edhe pse është braktisur, aty nuk mungojnë vizitorë të ndryshëm që destinacion e kanë tyrben.
