Ky është Holiday Inn, një redaksi, studio dhe shtëpi për gazetarët nga e gjithë bota, nga ku në vitin 1992 u ndoq lufta në Sarajevë – kështu nis një insert përgatitut nga Al Jazeera, për të përkujtuar sulmin serb me predha e snajper, mbi godinën simbol të kryeqytetin boshnjak.
“Mendoj se ndoshta Holiday Inn është bërë rastësisht një hotel lufte në Sarajevë, por edhe për shkak të dizajnit, për shkak të vendndodhjes së tij unike në qendër të qytetit, si një fortesë që del nga mjedisi”, thotë fotografi Paul Loëe.
“Ana e hotelit që mund të shihni pas meje ishte dëmtuar rëndë nga predha dhe zjarri snajper. Nuk ishte e mundur të qëndroja atje, kështu që gazetarët përdorën anën tjetër të hotelit”, thotë Kenneth Morrison, profesor i historisë moderne evropiane.
“Kati përdhes i hotelit u shkatërrua tërësisht, qelqi nga të gjitha anët, xhamat, muret, gjithçka u shkatërrua”, thotë drejtori ekzekutiv i hotelit, Hajro Rovçanin.
E megjithatëm hoteli vazhdoi të punonte në gati katër vjet luftime dhe rrethim.
Hoteli është i vendosur në rrugicën “Snajper”, e cila ishte një nga vendet më të rrezikshme në Sarajevë. Kishte 225 vetë të vrarë dhe më shumë se një mijë të plagosur, sipas të dhënave të OKB-së.
Në konfliktin që përfundoi në 1996, 11,541 qytetarë të Sarajevës humbën jetën në 3 vite konflikt të përgjakshëm. /tesheshi.com/
https://www.facebook.com/aljazeera/videos/366339927502876/?t=147
