Kjo është video e fundit e Mariupolit. Më shumë se 80% e ndërtesave të banimit në këtë qytet janë dëmtuar dhe shumë janë shkatërruar. Ukraina hodhi poshtë ultimatumin e Rusisë, e cila kërkonte dorëzimin e qytetit. Mariupol është qyteti i fundit i madh në atë pjesë të vendit që është nën kontrollin e Ukrainës.
Sot, në një bisedë me RIA Novosti pro regjimit, një zyrtar rus zbuloi pse rusët janë kaq të dëshpëruar për të pushtuar Mariupolin.
Konkretisht, rusët duan të lidhin gadishullin e Krimesë, të cilin Rusia e rrëmbeu në vitin 2014, me rajonin juglindor të Donbasit, i cili përfshin republikat e vetëshpallura separatiste pro-ruse të Donetskut dhe Luhanskut. Për ta bërë këtë, ata së pari duhet të pushtojnë Mariupolin.
Kirill Stepanov është një këshilltar i distriktit federal jugor rus, i cili përfshin Krimenë. Ai tha për RIA Novosti këtë mëngjes se “marrja e kontrollit të autostradës nga Krimea në Mariupol do të lidhë në mënyrë të besueshme gadishullin me korridorin e transportit Donbas”. /tesheshi.com/
