Pulat e destinuara vetëm për fast food-e janë gjetur në kushte të tmerrshme rritjeje, sipas The Independent.
Fjala është për markën e famshme në Mbretërinë e Bashkuar – Nando, por aktivistët thonë se situata nuk është aspak ndryshe me zinxhirët e tjerë të fast food-eve. Pamjet e fshehta, të xhiruara në tre ferma në Angli që furnizojnë ato me mish pule, tregojnë se shpezët mbahen e rriten në kushte gati horrori.
Pulat kishin çrregullime të ndryshme skeletore dhe të nyjeve, dhe mënyra se si ato trajtoheshin ishte e paligjshme dhe në kundërshtim me të gjitha standardet shëndetësore.
Zinxhiri i restoranteve tha se ata do të hulumtojnë furnizuesit e tyre më nga afër dhe kushtet në të cilat ata mbajnë kafshë. Dëshmitarët panë pula me këmbë të shtrira në mënyrë të panatyrshme, një shenjë e çrregullimeve të kockave të shkaktuara nga shtimi i peshës së tepërt, dhe disa kishin të dëmtuar rëndë shtyllat kurrizore. Në një moment, pamjet tregojnë një punëtor të fermës duke i vrarë e më pas duke i hedhur në kova ose karroca, gjë që është cilësuar si jo në përputhje me standardet eutanazisë të përcaktuara nga Shoqata Humane Slaughter.
“Ne mendojmë se është e rëndësishme që klientët të shohin të vërtetën në lidhje me ushqimin që hanë, si vjen, për të mos folur se sa i shëndetshëm mund të jetë mishi”, tha Ian Woodhurst, një investiguesit e skandalit./tesheshi.com/
