Në Tokë ka më shumë se 3 triliard pemë (1 triliard = 1021 ) , pra ka më shumë nga sa mendonim, aq sa për 7 miliard njerëzit që jetojnë në Tokë, i bie nga 422 pemë për banor, në vend të shifrës 61 që mendohej më parë.
Këto janë rezultatet befasuese të anketës së publikuar në revistën NATURE, të kryer në bashkëpunim ndërkombëtar që përfshinte grupe nga 15 vende, të udhëhequr nga Kolegji Amerikan në Yale.
Këto foto janë një hartë e vërtetë e shpërndarjes së pemëve, në bazë të rreth 430 mijë matjeve të kryera në 50 vende në të gjitha kontinentet, me përjashtim të Antarktidës. Deri tani, vlerësimet për numrin e pemëve në Tokë ishin bazuar kryesisht në të dhënat satelitore, por nuk ishin në gjendje të arrinin një shkallë të lartë saktësie.
Një pjesë e madhe e pemëve janë të vendosura në zonat tropikale dhe subtropikale (43%) . Po ashtu edhe zonat në rajonet veriore të Rusisë, Skandinavis dhe Amerikës së Veriut janë të pasur (24%).
Rënie e përqindjes së gjelbërimit vihet re në zonat ku ndodhet njeriu, me 15 miliard pemë të prera çdo vit. Shkalla e shpyllëzimit është e lartë në rajonet tropikale, por efektet janë ndjerë në të gjithë ekosistemin e planetit./tesheshi.com/
