Gardiani spanjoll më në fund është liruar nga ankthi i “djajve”, që e kishin mbajtur peng brenda Old Traford. Klubi belg Standard de Liege, ka zyrtarizuar transferimin e tij, duke supozuar se do të jetë një blerje që do t’i shërbejë klubit dhe portierëve të rinj me eksperiencën e tij.
Ndërkohë, Valdes ka shkruar një letër falenderimi për ish-klubin e tij, për të cilin ka vetëm fjalë të mira.
“Faleminderit të gjithëve për mbështetjen që më keni dhënë gjatë gjithë këtyre muajve të vështirë për mua, kurrë nuk do ta harroj këtë gjë. Shihemi së shpejti”, ishte letra publike e postuar në faqen zyrtare të gardianit spanjoll.
Valdes, në të kaluarën ka qenë pjesë e skuadrës së Barcelonës, mirëpo, pas shumë viteve të kaluara në Camp Nou, vendosi të shijojë një aventurë të re, e cila nuk kishte dalë ashtu siç e kishte menduar./tesheshi.com/
