Kjo foto që shihni nuk është “Lagja e Trimave” në Kumanovë, e as ndonjë fshat në Sirinë e tronditur nga lufta civile. Është mesi i kryeqytetit shqiptar-Tirana.
Jemi në zonën e Selitës së Vogël në Tiranën e re, vetëm 15 minuta në këmbë nga Blloku, pjesë e njësisë bashkiake numër 5.
Në këtë pjesë ku ka nisur ndërtimi me ritëm breshke i Unazës së Re janë braktisur shtëpitë nga banorët që janë larguar dhe ndërtesave nga shumë të interesuar po i merret lënda e hekurit, druri, tullat e tjerë për t’i shitur. Mirëpo zona ka mbetur një shkretëtirë që jeton mbi gërmadha, ku në këtë territor po grumbullohen ditë pas dite plehra me kapicë, që nuk i pastron kush.
Të gjithë kandidatët për kryetarë të bashkisë të Tiranës, as nuk e kanë prekur fare këtë temë, pasi town hollet e tyre janë të mbyllura dhe mendojnë vetëm për lidhjen direkte.
Tesheshi.com e ka sensibilizuar disa herë këtë çështje dhe me rritjen e temperaturave rreziku i epidemive është eminente.
Flora, një banorë e zonës thotë se vajzës së saj kanë nisur t;i shfaqen puçra në trup. “E vizitova dhe më thanë që është efekt i mikrobeve që përhapen nga ajri”, thotë ajo që gjithashtu shprehet e irrituar si me bashkinë e Tiranës por edhe me qeverinë që nuk pastron zonën.
“E dimë që unaza po ndërtohet me avazh se janë të zënë me fushatën, por plehrat duhet t’i heqë dikush” thotë Agroni, një i papunë që merret me grumbullimin dhe shitjen e skrapit. Ndërkaq, Aljosha, një i intelektual i moshuar thotë se e kanë marrë disa herë policinë bashkiake, thonë po po dhe askush nuk e çan kokën./tesheshi.com/
