Ajo që ne e quajmë njohim sot si “karta e diversitetit” apo Lotaria amerikane, njihet në të gjithë botën si leje për të punuar dhe jetuar në Shtetet e Bashkuara të Amerikës.
Ajo qe nisur si një masë kombëtare e mbrojtjes nga informaliteti, dhe më pas u shndërrua në politikë qeveritare që grumbullonte njerëz nga e gjithë bota në saj të disa kritereve të përcaktuara.
Edhe në Shqipëri, cdo vit mijëra persona nisen drejt tokës amerikane në kërkim të punës dhe jetës më të mirë. Nga 15 milion regjistrime në mbarë botën për “Diversity Visa 2020”, 84 mijë aplikantë janë përzgjedhur rastësisht nga sistemi.
Shqipëria në fakt prin e dyta në Evropë sa u përket numrit të aplikantëve të përzgjedhur, menjëherë pas Rusisë. 3603 persona nga Shqipëria tani pritet që të marrin rrugën përtej oqeanit për të parë mundësi më të mira për jetën e tyre.
Më shumë se dhjetëfish më pak janë pranuar nga vendet fqinje, ku 260 shtetas janë zgjedhur nga Kosova, 249 nga Maqedonia dhe vetëm 35 nga Mali i Zi.
Pas Shqipërisë, numër të madh të të përzgjedhurve ka pasur nga Ukraina dhe Turqia, ndërsa në Islandë dhe Luksemburg nuk ka pasur asnjë të përzgjedhur.
Mundësinë e aplikimit e gëzuan banorët e 177 shteteve të botës brenda periudhës 34 ditore, e cila filloi në 3 tetor të 2018-ës dhe është mbyllur në 6 nëntor 2018.
Megjithatë, program i Lotarisë Amerikane bën të mundur dhënien e vetëm 55 mijë vizave çdo vit, që u siguron këtyre shtetasve qëndrim të përhershëm në SHBA.
Kush nuk vërteton zotërimin e diplomës së shkollës së mesme dhe minimalisht dy vite përvojë pune, diskualifikohet nga lotaria. /tesheshi.com/
