Gjuajtja me vezë po shndërrohet dalëngadalë në një epidemi mbarëshqiptare rebelimi karshi autoriteteve. Edhe në Tetovë, atje ku situata është acaruar për shkak të ndotje së pazakontë të ajrit nga Jugohromi, disa nxënës shkollash goditën me vezë godinën e komunës, gjë që detyroi kryetaren Teuta Arifi që sot të deklarojë pezullimin e proçesit mësimor në qytet.
“Të ndërpritet procesi arsimor në të gjitha shkollat e mesme, fillore dhe çerdhet në Tetovë për shkak të seriozitetit për ajrin e ndotur”, u shpreh kryetarja e komunës së Tetovës, znj. Teuta Arifi.
“Vezët” si ritual proteste i nisi Vetvendosje, e cila javë më parë, në forma guerrile qëlloi disa ministrta e zyrtarë, deri dhe vetë shefin e qeverisë Mustafa.
Më pas ky ritual u shfaq në Tiranë kur disa studentë qëlluan drejt kryeministrit Rama. Dhe ja ku vezët mbërrijnë dhe në Tetovë. Ndërkohë që përdorimi “guerril” i tyre është paralajëmëruar dhe nga opozita në Tiranë për protestën e nesërme para parlamentit. /tesheshi.com/
