Një tjetër njeri i drejtësisë ka vendosur të vetëlargohet duke iu shmangur kështu kalimit në sitën e vetingut.
Së fundi, Komisioni i Pavarur i Kualifikimit ka ndërprerë procesin e rivlerësimit të prokurorit të Beratit, Ermir Beta.
Ky i fundit ka dhënë dorëheqjen nga detyra javë më parë, e lajmëruar kjo nga Prokuroria e Përgjithshme. Kështu, listës së gjatë të atyre që kanë zhveshur rason e profesionit, i shtohet dhe një prokuror.
Ja të tjerët para tij:
Ilir Çeliku, gjyqtar pranë Gjykatës së Apelit Vlorë
Erlindi Basha, ndihmës ligjor pranë Gjykatës së Lartë
Ilir Pashaj, gjyqtar pranë Gjykatës së Shkallës së Parë Elbasan
Etleva Sherifi, ndihmëse ligjore pranë Gjykatës së Lartë
Adnand Bërdica, ndihmës ligjor pranë Gjykatës së Lartë
Mirela Fana, gjyqtare pranë Gjykatës së Lartë
Sulejman Tola, prokuror në Prokurorinë pranë Gjykatës së Shkallës së Parë Krujë
Eritan Shehu, ndihmës ligjor pranë Gjykatës së Lartë
Adriatik Llalla, ish-Prokuror i Përgjithshëm
Besnik Imeraj, ish-anëtar i Gjykatës Kushtetuese /tesheshi.com/
