Ka marrë një kthesë, pak dhe qesharake debati mbi ligjin e vettingut në parlamentin shqiptar.
Deputeti demokrat Berisha, e ka devijuar debatin rreth faktit se shenjtërimi i pritshëm i Nënë Terezës më datë 4 shtator, nuk po shoqërohet me ndonjë gjest nderimi nga qeveria.
Berisha i bëri një rezyme figurës së humanistes me origjinë shqiptare, pa marrë në konsideratë as vërejtjet e kryeparlamentarit Meta, për faktin se seanca ishte mbledhur për tjetër arsye.
Por Berisha vijoji, duke komentuar dhe raportet e Nënë Terezës me ish-pushtetin komunist, për ta çuar më pas llafin deri tek konkluzioni se Edi Rama e urren “Nënën” e humanizmit botëror Terezën.
Këtë, Berisha e mbështeti në faktin që pati statuja e Nënë Terezës në vite, që sipas tij ishte degdisur e përdhosur nga Rama.
Madje, ish-kryeministri demokat tha se ishte Rama ai që kishte thënë për Nënë Terezën që ajo nuk ka bërë asgjë për Shqipërinë, në kohën kur ishte ministër Kulture.
Por e gjitha tirada e Berishës, që në fillim u tha prej tij që do ishte më shumë në interes të kombit se sa për interes politik, pati gjithsesi një fund politik.
Ish-kreu demokrat e përfundoi atë duke e cilësuar si turp qeveritar faktin se në vigjilje të shenjtërimit të Nënë Terezës, për të, nga Rama nuk po bëhej asgjë, qoftë dhe një pullë poste. /tesheshi.com/
