Nga Komisioni i Pavarur i Kualifikimit u konkludua se ai ka kryer deklarim të rremë të pasurisë. Në deklaratën e tij të vettingut, ai shprehej se kishte fituar 79 mijë euro nga bastet sportive. Gjithsesi, në avokatinë që i bëri vetes, tha se nëse do kthehej sërish pas nuk do merrej me atë punë.
Tashmë, Alfred Sali duhet të vendos nëse do të apelojë vendimin brenda afateve të përcaktuara me ligj dhe të kërkojë rrëzimin e vendimit të KPK në shkallën e dytë, te Kolegji i Posaçëm i Apelimit. Por nëse dhe KPA lë në fuqi vendimin e sotëm, prokurori i Vlorës del përfundimisht jashtë sistemit të drejtësisë.
Ky nuk është i pari rast që vettingu detyron personazhe të drejtësisë që të pohojnë se kanë luajtur lloto, me qëllim për të justifikuar pasurinë. Por e çuditshme që ata rezultojnë të fituar e jo të humbur nga llotot.
Kjo është pikëpyetja e parë financiare. E dyta është morale. Me mision për të dhënë drejtësi, janë vetëshndërruar në bixhozxhinj të rëndomtë. /tesheshi.com/
